O vicesecretario xeral do PSOE, José Blanco, asegurou a Efe que o PP “non quere que os emigrantes galegos voten en urna” y por iso “está a pór todos os atrancos e todas as dificultades”. Pola súa banda, o secretario xeral do PPdeG, Alfonso Rueda, afirmou que o único inconveniente que hai para modificar dita norma é falla de vontade amosada polo PSOE tanto en Galicia como en España, xa que actúa pensando só nos seus intereses electorais. Ademais, o secretario de Organización dos socialistas galegos, Ricardo Varela, declarou a ‘El País’, que o BNG “teme o voto da emigración e tenta eliminalo con distintos mecanismos; uns, máis evidentes e outros, máis sibilinos”.