Unha fecunda historia’, unha espectacular obra na que ao longo de máis de 500 páxinas percórrese a historia do centenario Centro Betanzos e dos miles de betanceiros e betanceiras que emigraron á República Arxentina. A delegada da Xunta en Bos Aires, María Xosé Porteiro, transmitiu aos presentes un cordial saúdo do ex alcalde Manuel Lagares, “grazas a quen esta iniciativa púidose concretar tamén”, e expresou o agradecemento ás autoridades da corporación municipal de Betanzos. A presidenta do Centro Betanzos de Bos Aires, Beatriz Lagoa, informou que a Lexislatura da Cidade Autónoma de Bos Aires, a través da súa Secretaría de Cultura, declarou o libro de interese cultural. Tamén falou o escritor Carlos Penelas, quen forma parte da comisión directiva da entidade. Entre os asistentes figurou Manuel López Castro, director da Coral Polifónica de Betanzos desde hai 39 anos.