Deste xeito, dixo, poríase fin ás dúbidas e suspicacias respecto ao reconto real do voto deste colectivo de españois. Por outra banda, Feijóo reuníuse coas autoridades locais e coa directiva do PP de Salvador de Baía, e afirmou que chegou a hora de pasar da emigración ao investimento neste Estado. O dirixente popular referíuse á oportunidade de negocios existente en Baía, con máis de 13,5 millóns de habitantes e un dos mellores climas tropicais. Os galegos, dixo, poderían investir no turismo, a construción de vivenda, a creación de infraestruturas e a pesca.