Noemí Martín presentó el proyeutu del nuevo Centru de Recursos No-do d’Avilés

El Centru, qu’algamará una inversión de 8,6 millones d’euros, contará con una residencia de 148 plazes pa mayores en situación de dependencia y un centru de día con 30 plazes. El plazu másimu d’execución col que saldrá a llicitación la obra sedrá de 18 meses.

Noemí Martín destacó que con esta obra hai l’enfotu d’ampliar y especializar la rede d’infrastrutures y recursos del sistema públicu de servicios sociales llogrando dar abellugu a les necesidaes del área d’Avilés, onde actualmente alrodiu de 190 persones demanden una plaza residencial.

El proyecto presentáu plantea un edificiu de cinco plantes (dos d’elles de sótanu y tres sobre’l nivel del suelu). Nes plantes sótanu allugará-se, ente otros servicios, un aparcamientu, una sala mortuoria, y dellos cuartos destinaos a les istalaciones de recicláu d’agües grises, la sala de calderes de biomasa y’l almacén.

Na planta cero tará’l Centru de día, que tién accesu independiente dende la cái Playa de San Balandrán, y 18 habitaciones dobles, amás d’una zona de tar y comeor.

Na planta uno, con accesu independiente dende la cái El Balandru, tará la receición y’l control, la zona d’alministración, sales pollivalentes, el xinasiu, la enfermería, la cafetería, zones de tar y un comeor. Esta planta dispondrá de 14 habitaciones dobles.

Na planta dos distribuirán-se 26 habitaciones (22 dobles y cuatro cencielles), amás d’una sala pollivalente, zones de tar, comeor y almacén.