O evento está organizado pola Secretaría Xeral de Emigración da Xunta e o Consello da Xuventude de Galicia e será inaugurado polos responsábeis destas institucións, Manuel Luís Rodríguez, e María Dolores Rodríguez Amoroso, respectivamente. Trataranse asuntos relacionados coa inserción laboral, a procura de emprego ou as posibilidades do mercado galego para os mozos emigrantes. Tamén haberá unha mesa redonda sobre asociacionismo e outra sobre o panorama musical e cultural en Galicia.