La TDT algama’l 97,5% de la población asturiana, ensigún Migoya dixo’n Parres

Ye un iglú nel que col eslogan de “Si non tienes TDT, mañana na to casa nieva”, se-y arrrespuende a les principales entrugues alrodiu de lo que ye la TDT, el procesu necesariu pal cambiu ena receición de la señal, el tipu de conexiones, ecetra. Y tamién s’informa soles ventaxes de la nueva televisión, pola mor d e los usos y conteníos qu’ufierta.

Ensigún desplicó la Conseyera nel conceyu de Parres, l’abellugu de la TDT algama’l 99,1 per cientu de la población (5.674 habitantes) tres una inversión de 182.626 euros. Güei ya tán dixitalizáos tolos centros: Bode, Fíos y Llerandi.

Aanguañu l’abellugu na comarca oriental d’Asturies ye del 93,16 per cientu (69.536 habitantes). De 74 centros reemisores, tán 44 dixitalizáos, lo que supón un 59,5 per ciento. N’Asturies dafechu, de los 360 centros previstos pa la so dixitalización, 241 ya emiten la nueva señal, lo que supón el 66,94 per cientu del total. La inversión fecha nesta comarca algama los 4.899.843 euros.

Durante la so visita, la Conseyera anunció tamién la entrada’n funcionamientu de la rede de fibra óptica fasta’l hogar en Llanes, Les Arriondes, Infiestu y Nava, que beneficiará a 5.932 cases tres una inversión de 5.002.304 euros. Tamién entren en funcionamientu Felechosa y Santaolaya de Morcín.

Ana Rosa Migoya, que tuvo acompañada pol alcalde Manuel Millán y’l direutor xeneral de Modernización, Telecomunicaciones y Sociedá de la Información, Alberto Pérez Cueto, visitó’l autobús que dende’l pasáu mes d’agostu recuerre Asturies pa presenta’l proyeutu “Memoria dixital d’Asturies”. Ye una iniciativa puesta’n marcha pol Principáu dientro’l programa e-Asturies-