Ye’el centru priváu Interxeneracional Ovida, n’Uviéu, col que la conseyería de Bienestar Social y Vivienda tién concertáes 75 plazes (45 plazes residenciales pa persones mayores en situación de dependencia y 30 plazes psicoxeriátriques pa persones mayores con enfermedá mental). El centru, ún de los más grandes d’Asturies, cuenta con un total de 400 plazes residenciales y 60 plazes de centru de día.
El Viceconseyeru descubrió, nel esterior de la istalación, la placa cola que s’identificará a los centros priváos acreditáos, manifestando la so satisfaición al dar per acreditáu el primer centru priváu n’España, dempués de más de tres años d’implantación de la Llei de Dependencia, darréu que, excepto Asturies, denguna otra Comunidá Autónoma reguló l’acreditación de centros.
Ángel González destacó qu’esta acreditación entregá-se siguiendo l’orden de presentación de sollicitúes y añadió que güei el 90% de los centros priváos que funcionen n’Asturies, que representen más de 8.000 plazes, ya sollicitaren l’acreditación y nestos caberos días entá siguen llegando sollicitúes.