Son seis cases de tres dormitorios, 10 dos habitaciones y dos apartamentos d’un dormitoriu, con una superficie útil ente 48 y 73 metros cuadraos. Toles cases foron axudicáes con trasteru y los inquilinos abonarán, ensigún los sos ingresos, una renta media de 128 euros, ente 47 euros la renta mínima y 210 euros la renta másima.
El direutor xeneral de Vivienda destacó la importancia de que los ayuntamientos sigan cediendo suelu al Principáu pa facer proyeutos como’l de Grullos, “la promoción pública n’alquiler ye imprescindible pa garantiza’l acesu a la vivienda y facilitar la emancipación a munchos moozos mileuristas. Los ayuntamientos que consideren una prioridá poder ufiertar esti tipu de cases a los sos ciudadanos, agora más que nunca, deben reservar suelu pa esti fin y cedé-lu a la Conseyería competente en materia de Vivienda pa que los pueda construir”.
La Direición Xeneral de Vivienda recibiera 26 sollicitúes pa les viviendes feches en Grullos, d’elles cinco foron escluíes per non cumplir colos requisitos de la convocatoria y tres tán entá na llista de reserves.