El Principáu destina un millón d’euros a la TDT, ensigún Pérez Cueto dixo’n Llanes

Subencionarán-se con 250 euros ca equipamientu, siempre que seya na primera vivienda

P’algamar esti serviciu necesitará-se autorización alministrativa, que se fairá tres la comprobación pola parte del antenista. Si ye primera vivienda, el Gobiernu subencionará con 250 euros el equipamientu de decodificaor satellital, parabóllica y cable. “Los usuarios únicamente deberán face-se cargu del coste de los trabayos del antenista, porque inclusu trámites como la comprobación del empadronamientu fairá-los l’Alministración rexonal”, afirmó Pérez Cueto.

El direutor xeneral visitó en Llanes la carpa con forma d’iglú, que tién per función informar a los ciudadanos del apagáu analóxicu, les cualidáes de la nueva Televisión Dixital Terrestre (TDT), y los pasos a seguir pa utilizá-la. Esti puntu d’información emplega la consigna “Si non tienes TDT, mañana na to casa nieva” ya que si non tienes el to televisor nin la to antena adaptáos pa la TDT sólo verás nieve.

Nestos momentos, l’abellugu en Llanes algama’l 98 per cientu de la población (13.354 habitantes) darréu que 6 de los sos 7 centros ya tán dixitalizáos: Llanes, El Mazucu, Nueva de Llanes, Purón, Rales y Vibañu.